Բնակատեղերը վերանորոգված են, կահավորված, տեխնիկայով հագեցած, ապահովված տաք եւ սառը ջրով։ Բնակատեղերի գները ներառում են ջրի, էլեկտրաէներգիայի, ջեռուցման եւ տեղական հեռախոսազանգերի (ոչ բջջային) վարձերը: Բնակատեղերն ապահովված են հյուրերի քանակին համապատասխան սպիտակեղենով եւ սրբիչներով:
Վճարումները կատարվում են ՀՀ դրամով կամ արտարժույթով` ըստ բնակատեղն ընդունելու օրվա փոխարժեքի:

Բնակատեղի ընդունումը` ժ 14:00, հանձնումը` ժ 12:00: Օդանավակայանում դիմավորման եւ ճանապարհման համար այցելեք «Ծառայություններ» բաժինը:

Վարձակալման պայմաններին մանրամասն ծանոթանալու համար այցելեք «Պարտավորություններ» էջը:

Ինչպե՞ս են դասակարգված բնակատեղերը
Բնակատեղերը դասակարգված են վերանորոգման, կահավորանքի ու տեխնիկայի թարմությանն եւ մակարդակին համապատասխան, ըստ որի ամենաբարձրն A կարգն է, իսկ ամենացածրը C-ն: Որքան բարձր է կարգը, այնքան թարմ ու ժամանակակից է բնակատեղի ներքին հարդարանքը, այնքան ընդարձակ, հարմարավետ ու տեխնիկայով, կենցաղային պարագաներով հագեցած է բնակատեղը:
Ըստ բնակատեղերի դասակարգման իրականացվում են նաեւ սպասարկման աշխատանքներ` A կարգի բնակատեղերում յուրաքանչյուր հինգ օրը մեկ անգամ կատարվում է անվճար մաքրում եւ տրամադրվում է նոր սպիտակեղեն, սրբիչներ, իսկ B կարգի բնակատեղերում`յուրաքանչյուր տասը օրը մեկ անգամ: