Հանգստյան տներ կան Հայաստանի այնպիսի քաղաքներում, ինչպիսիք են Ծաղկաձորը, Սեւանը, Դիլիջանը, Ջերմուկը, Վանաձորը: Բազմաթիվ հանգստյան տների մասին տեղեկություններ կարելի է գտնել այստեղ:

   Ամռանը Հայաստանի բնությունն իր ծաղկունքի գագաթնակետին է հասնում Սեւանում, Դիլիջանում եւ Ջերմուկում: Ծաղկաձորը լավագույն վայրն է ակտիվ ձմեռային հանգիստ անցկացնելու եւ ձմեռային սպորտաձեւերով զբաղվելու համար:

    Երեւանում կան 3-5 աստղանի բազմաթիվ հյուրանոցներ: Երեւանի հյուրանոցների մասին կարելի է տեղեկություններ գտնել այստեղ:

    Հայաստանում լինում է մեղմ ձմեռ եւ շոգ ամառ:

    Ամռանը +25C ~ +35C (75F ~ 95F) , ձմռանը -15C ~ -5C (5F ~ 25F).

    Հայկական ավանդական ճաշատեսակներից է դոլման (աղացած միս` փաթաթված կաղամբով կամ բադրիջանի, պղպեղի եւ լոլիկի մեջ լցոնված), խորովածը, քյուֆթան, խաշը: Իսկ հայկական խոհանոցի անբաժան մասը հացն է` լավաշը:

    Հուշանվերներ կարելի է գնել Վերնիսաժից, որը գտնվում է Երեւանի կենտրոնում, Հանրապետության Հրապարակի մոտ: Այստեղ վաճառվում են ավանդական ու ժամանակակից արվեստի բազմաթիվ նմուշներ: Հուշանվերների խանութներ կան նաեւ Աբովյան եւ Թումանյան փողոցների վրա:

    Մանրամասն տեղեկություններ կարող եք ստանալ այցելելով http://www.port.am/afisha (հայերեն եւ ռուսերեն), http://www.armeniainfo.am (անգլերեն) կամ ինտերնետային http://www.museums.am (անգլերեն) էջերը:

   Ամենահին եկեղեցին Էջմիածնի Մայր Տաճարն է, որը հիմնադրվել է 303թ-ին:

   Մատենադարանում պահվում են հին հայկական ձեռագրեր, գրքեր եւ մագաղաթներ: Դրանք բացառիկ են ողջ աշխարհում եւ անկրկնելի: Մատենադարանում է պահվում հայկական առաջին տպագիր գիրքը, չափերով ամենամեծ եւ ամենափոքր հայերեն գրքերը: Մանրամասների համար մուտք գործեք http://www.matenadaran.am.

   Դուք միշտ ցանկալի հյուր կլինեք հայկական ընտանիքում: Հյուրընկալվելու համար դիմեք contact@hyurservice.com.

   Սիրով կկազմակերպենք էքսկուրսիա դեպի հայկական գյուղեր, որտեղ հնարավորություն կընձեռնվի ճաշել տեղաբնակների հետ, ծանոթանալ նրանց կենցաղին, լավաշ թխել, խնոցի հարել եւ այլն:

   Խաչքարը արվեստի նմուշ է, որը խորհրդանիշ է Հայաստանի եւ հայերի համար: Խաչքարեր կան ամենուր Հայաստանում, իսկ հատկապես Նորատուս գյուղում կան բարձրարվեստ բազմաթիվ խաչքարեր:

   Խոր Վիրապ վանական համալիրը շատ մոտ է գտնվում Արարատ լեռանը եւ այնտեղից շատ հարմար է լուսանկարել լեռը:

    Հայկական դրամական միավորը կոչվում է Դրամ: Խանութները գործարքն իրականացնում են միայն դրամով:

   Երեւանում ամենուր կան տարադրամի փոխանակման կետեր: Բանկերը նույնպես իրականացնում են տարադրամի փոխանակում:

   Երեւանում քարտեր ընդունվում են բոլոր բանկերում, հյուրանոցներում եւ որոշ խանութներում:

   Այո, կան` Աբովյան, Տիգրան Մեծ, Թումանյան, Իսահակյան փողոցների եւ Բաղրամյան, Կոմիտաս պողոտաների վրա:

   Այո, իհարկե, պայմաններին եւ գնացուցակին ծանոթանալու համար այցելեք մեր ինտերնետային էջի Ծառայություններ բաժինը:

   Ոչ, սկսած 2009 թվականի ապրիլից Հայաստանից մեկնելիս այլեւս չեն վճարում 10000 դրամ պետական տուրքը:

   Հայկական, Ռուսական եւ Ուկրաինական ավիաուղիները իրականացնում են ուղիղ թռիչքներ ԱՊՀ-ի գրեթե բոլոր մեծ քաղաքներից: Հայկական, Ավստրիական, Բրիտանական, Կասպիական, Սիրիական, Արաբական ավիաուղիները իրականցնում են ուղղակի թռիչքներ Փարիզից, Վիեննայից, Ֆրանկֆուրտից, Ամստերդամից, Դուբայից, Լոնդոնից, Թեհրանից, Հալեպից, Դամասկոսից: Թռիչքների չվացուցակը ներկայացված է այստեղ:

   Այո, հնարավոր է: Ժամանումից անմիջապես հետո պետք է դիմել օդանավակայանի համապատասխան բաժին: Սովորաբար տեւողությունը մոտ 20-25 րոպե է: Արժեքը` 3000 դռամ, մոտ.8 դոլլ./6 եվրո 21 օրվա համար ստանալու դեպքում եւ 15000 դրամ, մոտ. 41 դոլլ./ 40 եվրո 120 օրվա համար: Ժամկետը լրանալիս անհրաժեշտ է երկարացնել այն (500 դրամ, մոտ. 1.6 դոլլ./1 եվրո): Վիզա կարելի է ստնալ նաեւ մինչ ժամանումը` էլեկտրոնային կապի միջոցով` դիմելով Հայաստանի Արտաքին Գործերի Նախարարությանը: http://www.armeniaforeignministry.com/eVisa/.
Էլեկտրոնային վիզան արժե $ 15 - 21 օրվա համար եւ $ 60 - 120 օրվա համար:

   Հայաստան կարելի է ներմուծել անսահմանփակ քանակի գումար, իսկ $ 10000 -ից (կամ համարժեք արտարժույթ) ավելի արտահանելու դեպքում պետք է լրացնել մաքսային հայտարարագիր:

   Արցախ այցելելու համար մուտքի վիզա պետք է ձեռք բերեն բոլոր երկրների քաղաքացիները, բացառությամբ ԱՊՀ քաղաքացիների:

   Փոստատներից հնարավոր է զանգահարել արտերկիր, իսկ ամենուր վաճառվող հեռախոսաքարտերը հնարավորություն են տալիս զանգահարել քաղաքային հեռախոսացանցից:

   Երեւանում կան հայկական ("Կիլիկիա" Հանրապետության փ. 78), վրացական ("Թբիլիսի պանդոկ" Աբովյան փ. 3), արաբական ("Լագոնիտ" Նալբանդյան փ. 37), չինական ("Պեկին" Սայաթ-Նովա պող. 33 կամ Թումանյան փ. 9), իտալական ("Աի Լեոնի" Թումանյան փ. 40 կամ "Գուստո" Աբովյան փ. 11), մեքսիկական ("Կակտուս" Մաշտոցի պող. 42) եւ շատ ուրիշ ռեստորաններ:

   Երեւանում գործում են տրանսպորտի հետեւյալ տեսակները` մետրո (50 դրամ կամ $ 0,13), տաքսի ծառայություն (1 կմ` 100 դրամ կամ $ 0,27), ավտոբուս (100 դրամ կամ $ 0,27) եւ միկրոավտոբուս (100 դրամ կամ $ 0,27): Երեւանի եւ հարակից շրջանների հետ կապը ապահովում են տաքսիները, ավտոբուսներն ու միկրոավտոբուսները:

   Մեր կենցաղում օգտագործվող էլեկտրականությունը 220 վոլտ, 50 հերց է: