Անի հյուրանոցը իր 249 հարմարավետ էկոնոմ եւ բիզնես կարգի սենյակներով հանդերձ գտնվում է ձեր տրամադրության տակ: Սենյակներից շատերը դիմահայաց են Երեւանի համայնապատկերին ու Արարատ սարին: Հյուրանոցում գործում է նորաբաց սպորտային համալիրը, որն առաջարկում է անհրաժեշտ պարագաներով ապահովված մարզասրահ, շոգեբաղնիք եւ լողավազան: Համալիրի ծառայությունները անվճար են Բիզնես կարգի սենյակներում բնակվողների համար:
Սպորտային, առողջարարական եւ զվարճալիքների մի հիանալի կոմպլեքս՝ "Ակվատեկ" համալիրը առանձնանում է մատուցվող ծառայությունների թե բազմազանությամբ, թե որակով եւ թե բացառիկությամբ: Համալիրն իր մեջ ներառում է փակ ջրաշխարհ սպորտային լողավազանով, ֆիտնես ակումբ, արեւելյան բաղնիք, ՍՊԱ կենտրոն, որտեղ համալրված է հիգիենիկ, դեկորատիվ եւ բուժման ծառայությունների լայն համակարգ: Հյուրանոցն առաջարկում է 28 հարմարավետ կահավորված սենյակներ՝ ապահովված օդափոխիչներով եւ ինտերնետ կապով:
Արարատ հյուրանոցը գտնվում է Գրիգոր Լուսավորիչ փողոցում` շրջապատված կանաչ այգիներով,
թատրոններով, Ֆրանսիայի, Ռուսաստանի եւ Իտալիայի դեսպանատներով: Քաղաքի բիզնես եւ ժամանցային
կենտրոնից ընդամենը մի քանի քայլ է հեռավորությունը, իսկ Զվարթնոց միջազգային օդանավակայանից մեքենայով
կարելի է 10 րոպեում հասնել Արարատ հյուրանոց:
Հյուրանոցն առաջարկում է 34 վերանորոգված եւ ժամանակակից ոճով կահավորված սենյակներ` օդափոխիչով, մինի բարով, հեռախոսով, տաք եւ սառը ջրով: Հյուրանոցի դիրքը թույլ կտա Ձեզ խուսափել կենտրոնի առօրյա աղմուկից:
Հարմարավետ ռեստորանն առաջարկում է ինչպես ավանդական, այնպես էլ եվրոպական խոհանոցների ճաշատեսակների լայն ընտրանի:
Երեւանի կենտրոնում գտնվող Արմենիա հյուրանոցը կազմում է ճարտարապետական այն համակառույցի մի
մասը, որը եզերում է Հանրապետության Հրապարակը: Հյուրանոցը քաղաքի մշակութային եւ բիզնես
կենտրոնում է: Անկախ ձեր ճանապարհորդության նպատակից` Արմենիա հյուրանոցը իր լավագույն
աջակցությունը կցուցաբերի` ձեր այցելությունը հաջողակ դարձնելու համար:
Բասս հյուրանոցը գտնվում է Երեւանի հարմարավետ թաղամասերից մեկում` Այգեձորում: Հյուրանոցի էլեգանտ ոճը, ժամանակակից ներքին հարդարանքը, ընդարձակ ու հարմարավետ սենյակները հիանալի նախապայման են ստեղծում լավ հանգստի համար: Հյուրանոցը նույնպես առաջարկում է շոգեբաղնիք իր լողավազանով, բար-գինետուն, հուշանվերների խանութ, ամառային սրճարան, բիզնես կենտրոն անվճար ինտերնետով, թարմ մրգեր սենյակներում ամբողջ տարի:
Գոլդեն Փելես հյուրանոցը գտնվում է
"Հաղթանակ" զբոսայգու մոտ` բարձրադիր մի վայրում, որտեղից բացվող տեսարանն իր մեջ ընդգրկում է քաղաքի ողջ համայնապատկերը: Այս շքեղ հյուրանոցն ունի հաճելի հանգիստն ապահովող բազմաթիվ հարմարություններ:
Շքեղ վերանորոգված նորաբաց Էրեբունի հյուրանոցը գտնվում է Հանրապետության Հրապարակում` Երեւանի սրտի մեջ: Հյուրանոցը բաղկացած է 42 հարմարավետ եւ ընդարձակ սենյակներից: Սենյակների ժամանակակից կահավորումը, օդափոխությունն ու ձեւավորման ճաշակը յուրաքանչյուր հյուրի մոտ կթողնի անմոռաց տպավորություն: Վայելեք այս հրաշալի հյուրանոցի ջերմությունը, պայծառ ու լուսավոր մթնոլորտը, համեղ ուտեստները եւ Ձեր հանգիստը կդառնա լիարժեք:
Նորակառույց, Ֆրանսիական ստանդարտներ, Զվարթնոց միջազգային օդանավակայանից 10 րոպե տեւող
մեքենայի ճանապարհ, Հանրապետության Հրապարակից 100 մետր հեռավորություն: Եվրոպա հյուրանոցը
հիանալիորեն հարմարեցված է ձեր գործարար ընկերների հետ հանդիպումներ կայացնելու համար:
Երեւան հյուրանոցը գտնվում է մայրաքաղաքի կենտրոնում` գլխավոր հրապարակից ընդամենը մի քանի
հարյուր մետր հեռավորության վրա: Այն խոստանում է միավորել այսօրվա հարմարավետությունն ու
շքեղությունը անցյալ դարերի ոճի ու վեհության հետ:
Գեղեցիկ Անգլիական այգում կառուցված այս հյուրանոցը գտնվում է Հանրապետության Հրապարակից ընդամենը
մի քանի քայլ հեռու: Բազմաթիվ հարմարությունների հետ միասին, շքեղ այգին ու լողավազանը
յուրօրինակություն են հաղորդում հյուրանոցին:
ՀԱՀ Բարսամ Սուիտ հյուրանոցը ձեր ընտրությանն է առաջարկում թե բիզնես այցի, եւ թե ընտանեկան հանգստի համար նախատեսված հարմարավետ սենյակներ: Այստեղ երկտեղանոց սենյակը համարժեք է երկու սենյականոց, իսկ Էկզեկյուտիվ Սուիտը` երեք սենյականոց բնակարանի: Գրեթե բոլոր սենյակներն ունեն խոհանոց` ապահովված միկրոալիքային վառարանով, սառնարանով եւ խոհանոցային այլ պարագաներով: Հյուրանոցը գտնվում է քաղաքի կենտրոնում` Հանրապետության հրապարակից ընդամենը մի քանի քայլ հեռավորության վրա:
Նորովի վերակառուցված Հրազդան հյուրանոցը առաջարկում է 58 հարմարավետ համար, որոնք
համապատասխանում են թե գործարար անձանց եւ թե հանգստացողների պահանջներին: Այն տեղակայված
է Հրազդան գետի կիրճում` հանգիստ, գեղատեսիլ վայրում: Սենյակներից բացվում է անմոռանալի
տեսարան դեպի Արարատ լեռը: Ամռանը հյուրերը կարող են վայելել բացօթյա լողավազանը:
Հյուրանոցը տեղակայված է մեքենայով 10 րոպե հեռավորության վրա քաղաքի կենտրոնից` Ծիծեռնակաբերդի
տարածքում: Այն ունի 16 հարմարավետ սենյակ` բոլոր անհրաժեշտ պարագաներով ապահովված: Հանդիսանալով
թենիսի ակումբի մի մաս` հյուրանոցը առաջարկում է հյուրերին համատեղել հանգիստը ինչպես պրոֆեսիոնալ,
այնպես էլ սիրողական թենիսի մրցույթներին մասնակցության հետ: Հյուրանոցի հարեւանությամբ գտնվում է Օրանջ
սպորտային համալիրը, որտեղ հյուրերը կարող են անցկացնել իրենց ազատ ժամանակը:
Մեգ հյուրանոցը, որը գտնվում է ընդամենը մի քանի քայլ հեռավորության վրա Մատենադարանից, Կասկադի տարածքից եւ Օպերայից, առաջարկում է 7 ընդարձակ հարմարավետ մեկ եւ երկսենյականոց համարներ: Այս փոքր հյուրանոցի սենյակներին միացված է խոհանոցը, որը հատուկ ստեղծված է հյուրերի հարմարավետության համար: Այստեղ հյուրերին ամեն առավոտ կհյուրասիրեն թարմ մրգեր:
Մետրոպոլ հյուրանոցը գտնվում է դեպի Երեւանի կենտրոն առաջնորդող փողոցում, ինչպես նաեւ Զվարթնոց
միջազգային օդանավակայանը Երեւանի հետ կապող պողոտային շատ մոտ: Հյուրանոցն ունի 40 տարբեր ոճերի
ընդարձակ սենյակներ:
Մշակութային եւ բիզնես կենտրոնը գտնվում է Երեւանի սրտում, քաղաքապետարանի դիմաց՝ շրջապատված այգիներով, թատրոններով, Ֆրանսիայի, Ռուսաստանի, Իտալիայի դեսպանատներով: Բացի 11 դասական ոճով կահավորված ընդարձակ հյուրանոցային համարներից՝ օդափոխիչներով եւ ինտերնետին միանալու հնարավորությունով, կենտրոնը առաջարկում է խորհրդակցությունների դահլիճ՝ համալրված ժամանակակից սարքավորումներով, կոնգրեսի դահլիճ, գրադարան եւ այլ ծառայություններ:
Շիրակ հյուրանոցը գտնվում է Երեւանի կենտրոնում` Հանրապետության Հրապարակից ընդամենը մի քանի մետր հեռավորության վրա, գողտրիկ մի այգու հարեւանությամբ: Այն առաջարկում է հյուրանոցային բազմաթիվ ծառայություններ եւ տրամադրում է վերանորոգված ու կահավորված սենյակներ:
Հանգիստ եւ հաճելի միջավայրը ուր գտնվում է հյուրանոցը հարմար է թե գործարար մարդկանց եւ թե զբոսաշրջիկների համար: Հարմարավետ սենյակներն ապահովված են օդափոխիչով, հեռուստացույցով, մինի բարով, տեղային եւ միջազգային հեռախոսակապով, վարսահարդարիչով: Կոնֆերանսների դահլիճը, նախատեսված 200 հոգու համար, հագեցած է բոլոր անհրաժեշտ սարքավորումներով: Հյուրանոցն իր հյուրերին առաջարկում է նաեւ մարմնամարզության դահլիճ, շոգեբաղնիք եւ մերսման սրահ:
Ռեզիդենս Այգեձորը գտնվում է Այգեձորի թաղամասում` Բաղրամյանի մետրոկայանին, Մեծ Բրիտանիայի դեսպանատանն ու Հայաստանում Ամերիկյան Համալսարանին շատ մոտ : Այն առաջարկում է էլեգանտ ու լայնարձակ սենյակներ, որտեղ համադրված են հարմարավետությունն ու բազմաֆունկցիոնալությունը:
Բոլոր սենյակներում հնարավոր է միացում Ինտերնետին Wi-Fi-ի միջոցով եւ արբանյակային հեռուստատեսության օգտագործում:
Վալեսիա հյուրանոցը գտնվում է Երեւանյան մի բարձրադիր վայրում` անմիջապես Ջրաշխարհի հարեւանությամբ: Հյուրանոցի դիրքը, ժամանակակից ոճով կահավորված սենյակներն ու տնակները եւ բարձրակարգ ծառայությունները հանդիսանում են հարմարավետ հանգստի փայլուն երաշխիք:
Վիլա Դելենդան նրբաճաշակ մի հյուրատուն է, որը գտնվում է Երեւանի կենտրոնի գողտրիկ անկյուններից մեկում: Այն կառուցվել է դեռ 1906 թվականին, որպես առանձնատուն, եւ ունի 6 սենյակ առանձին սանհանգույցով: Սենյակների դասավորվածությունը թույլ է տալիս վարձակալել դրանք որպես մեկ, երկու եւ երեք տեղանոց համարներ: Բարձր սպասարկումը, տնական միջավայրը եւ ընկերական անձնակազմը մշտապես սպասում են հյուրերին:
Օլիմպիա հյուրանոցն առաջարկում է հարմարավետորեն կահավորված ընդարձակ սենյակներ, որոնց պատշգամբներից բացվում է անմոռանալի տեսարան դեպի Հրազդանի գեղատեսիլ կիրճը:
