|
|
|
|
Երեւանի Կոնյակի գործարանը 1887 թվականին կառուցել է վաճառական Ներսես Թահիրյանը` Հին Էրիվան ամրոցի վայրում: 1899 թվականին գործարանը գնում է ռուս արդյունաբերող Նիկոլայ Շուստովը: 1900 թվականին Փարիզյան ցուցահանդեսում Շուստովի արտադրանքը ստանում է "Գրան-պրի" մրցանակ: Բարձր որակական հատկանիշների շնորհիվ Շուստովին թույլատրում են շշերի վրա գրել կոնյակ, այլ ոչ թե բրենդի: Հայկական կոնյակը մեծ ճանաչում ունեցավ 1913 թվականին, երբ "Շուստով եւ որդիներ" ընկերությունը սկսեց մատակարարել իր արտադրանքը ռուսական կայսերական արքունիքին:
Երեւանի կոնյակի գործարանի ԱՐԱՐԱՏ կոնյակները ինքնին լեգենդ են` իրենց մեջ ամփոփելով Հայաստանի ոգին, պատմամշակութային ժառանգությունը եւ հայ վարպետների հմտությունը: "ԱՐԱՐԱՏ"-ը հայկական կոնյակների ամենահայտնի եւ ամենահաջող ապրանքանիշն է ողջ աշխարհում:
Հրավիրում ենք Ձեզ ծանոթանալ հայկական լեգենդար ԱՐԱՐԱՏ կոնյակի պատմությանը, ականատես լինել կոնյակի արտադրման փուլերին եւ համտեսել տարբեր տեսակի հայկական "ԱՐԱՐԱՏ" կոնյակների անկրկնելի համն ու բույրը` հենց աղբյուրից:
"Հյուր սերվիս" ընկերությունն առաջարկում է մասնակցել էքսկուրսիայի Երեւանի կոնյակի գործարանում, որի ընթացքում դուք
- կլինեք գործարանի թանգարանում և կծանոթանաք կոնյակի լեգենդին, կտեսնեք հնագույն հայկական տակառները, կիմանաք ինչպիսին են եղել հայկական կոնյակները 100-120 տարի առաջ, ովքեր են խմել հայկական կոնյակ, ինչ մեդալներ են զարդարում ԱՐԱՐԱՏ լեգենդը:
- կշրջեք հնեցման արտադրամասում և կտեսնեք, թե ինչպես են պահպանվում կոնյակները, կիմանաք թե ովքեր ունեն իրենց անվանական տակառները եւ կվայելեք արտադրամասի անկրկնելի բույրը:
- համտեսի սրահում կանցկացնեք անմոռանալի ժամանակ` վայելելով նրբահամ "3 աստղ", "Ախթամար" եւ "Նաիրի" կոնյակներ:
Էքսկուրսիաներն իրականացվում են բոլոր աշխատանքային օրերին: Տոմսեր կարող եք ձեռք բերել մեր գրասենյակում: Տոմսի արժեքը 3500 դրամ է: Տրանսպորտային միջոց տրամադրելու դեպքում` 5000 դրամ:
| |
|
|
| |
|
|
|
